راقبينى
وانا
بعدل البرواز
لمستى
السحرية ع المكان
مرعبة
ماسابتش
غير خروم
وحروق
وخرابات
كل
دى بلاد
لازم
افوتها ورايا
مع
-إنى بِنية صافية-ماكنتش اقصد
غير
انى اعلمها لغوة الحمام
وانقر
فى جبينها نبع المية
لزوم
الشجر ..والضل
والطيور
اللى هتحط عليها
بصدفة
التعب
ده
الفخ اللى دايما بنصبه
عشان
اعدل البرواز
يعنى
بذمتِك
كان
ممكن ابقى كل دول
الأم
..والأب ..والرب
والعيال
..والملايكة ..والشياطين
يارب
سامحنى
كل
مرة بترميلى فيها حدوتة
انفتن
بصوابعى
كان
ممكن
اسيب
صفاها يطرح بهجته
أو
ع الأقل
كنت
عملت عاقل
وجريت
..........
..........
لمسات
كتيرة
مارجعتش
لصوابعى
زمانها
كبرت
وبقت
تعابين حقيقية
يمكن
تكون دلوقتى بتنهش فى حد
لسة
فى دواليبى
أفراخ
حمام
لازم
اخنقها
غلطة
واحدة فى تربيتها
ممكن
تحولها لصقور
مابتشتهيش
الا الجتت
والعفونة
No comments:
Post a Comment